शेतकऱ्यांना कोणी त्रास दिला तर सहन करणार नाही - महसूल मंत्री चंद्रशेखर बावनकुळे अकोला : येथे आज राज्याचे महसूल मंत्री नामदार चंद्रशेखर बावनकुळे यांनी स्पष्ट केले की, कोरड्या दुष्काळामुळे बळीराजा संकटात सापडला आहे. शेतकऱ्यांच्या पाठीशी शासन भक्कमपणे उभे असून शेतकऱ्यांना सर्वतोपरी मदत देण्यात येणार आहे. परंतु या काळात शेतकऱ्यांना कोणी त्रास दिला, तर तो कदापि सहन केला जाणार नाही. संपूर्ण यंत्रणा बळीराजाच्या पाठीशी उभी आहे. अकोला येथे त्यांनी शेतकऱ्यांची निवेदने स्वीकारली. एकूण 427 शेतकऱ्यांची निवेदने त्यांनी स्वीकारून त्यांच्या वैयक्तिक समस्या, अपेक्षा आणि भावना ऐकून घेतल्या. सावकारी, पाणीटंचाई, कर्ज आणि इतर विविध विषयांवर शेतकऱ्यांनी आपले म्हणणे मांडले. शेतकऱ्यांच्या या व्यथा सरकारपर्यंत पोहोचवून त्यांना तातडीने मदत देण्यात येईल, हे सरकार शेतकऱ्यांचेच आहे, असेही त्यांनी सांगितले. यानंतर नामदार बावनकुळे यांनी येवता येथील शेतकऱ्यांच्या बांधावर जाऊन अकोला तालुक्यातील शेतकऱ्यांच्या समस्या जाणून घेतल्या. यावेळी त्यांनी शेतकरी शेख रशीद शेख इस्माईल यांच्या शेतात पाहणी केली. शेख रजू शेख रश...
