अकोल्यात इंडिया महाविकास आघाडीचे ज्ञानेशकुमार विरोधात जोरदार आंदोलन
अकोला : दिल्लीमध्ये गेल्या तीन दिवसांपासून मुख्य निवडणूक आयुक्त ज्ञानेश कुमार यांच्या राजीनाम्यासाठी इंडिया आघाडीच्या 300 खासदारांचे जोरदार आंदोलन सुरू आहे. त्याच धर्तीवर अकोल्यातही इंडिया महाविकास आघाडीच्या वतीने घोषणाबाजी, नारेबाजी करून ज्ञानेश कुमार यांना हटविण्याची मागणी करण्यात आली. स्थानिक शहीद मदनलाल धिंग्रा चौकामध्ये आंदोलन सुरू होण्यापूर्वी इंडिया महाआघाडीच्या पदाधिकाऱ्यांनी हातात फलक घेऊन स्वराज्य भवन येथून रॅली काढली. चौकामध्ये आल्यानंतर 'ज्ञानेश कुमार हटाव देश बचाव' अशा घोषणा देऊन ज्ञानेश कुमार यांच्या राजीनाम्याची मागणी करण्यात आली. यावेळी संविधानाच्या अनुच्छेद 326 चे सामूहिक वाचन करण्यात आले. या अनुच्छेदामध्ये प्रत्येक मतदाराचा अधिकार समाविष्ट असून या अनुच्छेदाला धक्का लावण्याचे काम ज्ञानेश कुमार, नरेंद्र मोदी व अमित शहा करीत असल्याचा आरोप करण्यात आला. महाराष्ट्र प्रदेश काँग्रेस कमिटीच्या अल्पसंख्याक विभागाचे प्रदेशाध्यक्ष आ. साजिद खान पठाण, अकोला जिल्हा काँग्रेस कमिटी अध्यक्ष प्रकाश तायडे, महानगराध्यक्ष महेंद्र गवई यांच्या नेतृत्वात करण्यात आलेल्या या आंदोलनाला...
