नालंदा नगर येथे बुद्ध जयंती साजरी

 

अकोला, दि. १ मे : स्थानिक नालंदा नगर वॉर्ड क्रमांक १५ येथे दिनांक १ मे, २०२६ रोजी बुद्ध जयंतीचा कार्यक्रम मोठ्या उत्साहात साजरा झाला.

सर्वप्रथम तथागत बुद्ध व महामानव बोधिसत्व परमपूज्य डॉ. बाबासाहेब आंबेडकर यांच्या प्रतिमेला प्रा. डॉ. एम.आर. इंगळे यांचे हस्ते पुष्प व पुष्पहार अर्पण करण्यात आले. त्यानंतर समाज कार्यकर्ते सुनील गणवीर यांनी धम्म ध्वज फडकविला व सेवानिवृत्त पोलिस जमादार राजकुमार गणवीर यांनी धम्मध्वजाला पुष्पहार अर्पण केला. 

महिला संघाचे वतीने सामूहिक त्रिसरण व पंचशील ग्रहण करून बुद्धवंदना घेण्यात आली. कार्यक्रमात प्रमुख पाहुणे म्हणून ज्येष्ठ नागरिक आयु. एम.के.अवचार यांनी आपण सर्वांनी गुण्यागोविंदाने नांदावे, सर्वांशी प्रेमाने वागावे आणि डॉ.बाबासाहेब आंबेडकरांचा भारत बुद्धमय करण्याचा संकल्प पूर्ण करण्यासाठी झटावे असे उद्बोधनपर विचार व्यक्त केले. कार्यक्रमाची सांगता पेढे वाटून झाली. याप्रसंगी प्रामुख्याने गोपाल चव्हाण, संजय धुर्वे, सौ. सुशीला अवचार, सौ.जोस्ना गणवीर, सौ. वैशाली गवई, सौ. करुणा गणवीर, आर्यन गणवीर, पूजा अवचार, ततेराव ताजने, सौ. रेखा ताजने, समीक्षा गणवीर यांच्यासह नालंदा नगरातील सर्व उपासक उपासिका बालक बालिका उपस्थित होते.