आमदार सावरकरांचे निकटवर्तीय संकेत काटे यांनी व्हिएतनाममध्ये रोवला यशाचा झेंडा ! अकोला, दि. 20 ऑगस्ट 2026 : अकोला पूर्व मतदार संघाचे आमदार रणधीर सावरकर यांचे स्वीय सहाय्यक संतोष काटे यांचे चिरंजीव संकेत काटे यांना व्हिएतनामच्या दा नांग येथे बजाज ग्रुपचे अध्यक्ष शेखर बजाज आणि बजेल प्रोजेक्ट्सचे MD & CEO राजेश गणेश यांच्या हस्ते "बेस्ट परफॉर्मर अवॉर्ड" प्रदान करण्यात आला. संकेतने शैक्षणिक आणि व्यावसायिक क्षेत्रात सातत्याने प्रगती केली आहे. मुर्तिजापूर तालुक्यातील एका छोट्याशा गावातून आलेल्या संकेतने वडिलांच्या कष्टातून आणि आई-वडिलांच्या संस्कारांवर आज मुंबई येथे आपल्या कर्तुत्वाने नाव कमावले आहे. ग्रामीण भागातून आलेल्या विद्यार्थ्याने आंतरराष्ट्रीय पातळीवर केलेल्या या कामगिरीमुळे संपूर्ण जिल्ह्याचे नाव मोठे झाले आहे. आमदार सावरकर यांच्या शुभेच्छा ! संकेतने आपल्या कर्तृत्वाने व्हियेतनाम मध्ये प्राप्त केलेल्या पुरस्काराने अकोला जिल्ह्याच्या शिरपेचात मानाचा तुरा रोवला आहे. संकेतला पुढील वाटचालीसाठी मनपूर्वक शुभेच्छा! - आमदार रणधीर सावरकर
डॉ बाबासाहेब आंबेडकर यांची जयंती डाबकी रोड येथे संपन्न
अकोला - स्थानिक डाबकी रोड येथे १४ एप्रिल रोजी भारतीय घटनेचे शिल्पकार,महामानव , बोधिसत्व भारत रत्न डॉ बाबासाहेब आंबेडकर यांची जयंती साजरी करण्यात आली. डाबकी रोड उत्क्रांती मंडळ व उमेश जानोरकर पेंटर असोसिएशन च्या वतीने जुने शहर रेल्वे गेट ते डॉ बाबासाहेब आंबेडकर मैदान पर्यंत निघालेल्या भव्य रॅलीचे स्वागत "आपला माणूस" डॉ अशोक ओळंबे, उमेश जानोरकर पेंटर, राम भारती, यांच्या वतीने करण्यात आले. यावेळी थंड शीतल पेय जल व शरबतचे वितरण शेकडो भीमसैनिक,उपासक उपासिका व नागरिकांना मंडळाच्या वतीने करण्यात आले.भव्य स्वरूपात संपन्न झालेल्या कार्यक्रमाला मोठ्या संख्येने नागरिकांची उपस्थिती होती.
टिप्पण्या
टिप्पणी पोस्ट करा