वरिष्ठ विधिज्ञ मोतीसिंहजी मोहता यांची यशस्वी अँजिओप्लास्टी, प्रकृती धोक्याबाहेर

 

अकोला : येथील ज्येष्ठ विधिज्ञ तसेच बेरार जनरल एज्युकेशन (BGE) सोसायटीचे अध्यक्ष आणि सार्वजनिक गणपती विसर्जन मिरवणुकीचे अध्यक्ष मोतीसिंहजी मोहता यांना मध्यरात्री अचानक हृदयविकाराचा झटका आला. त्यानंतर त्यांना तातडीने ओझोन हॉस्पिटलमध्ये दाखल करण्यात आले.

रुग्णालयातील डॉक्टरांनी तत्काळ उपचार सुरू करत पहाटे सुमारे 3 वाजता अँजिओप्लास्टी केली. या प्रक्रियेदरम्यान त्यांच्या हृदयात दोन स्टेंट बसविण्यात आले. वेळेवर उपचार मिळाल्यामुळे त्यांची प्रकृती स्थिर असून आता ते धोक्याबाहेर असल्याची माहिती रुग्णालय प्रशासनाने दिली.

सध्या त्यांच्यावर डॉक्टरांच्या देखरेखीखाली पुढील उपचार सुरू असून त्यांच्या प्रकृतीत समाधानकारक सुधारणा होत आहे. ही बातमी समजताच शहरातील विधिज्ञ, शैक्षणिक क्षेत्रातील मान्यवर तसेच सार्वजनिक गणपती मंडळातील पदाधिकारी आणि नागरिकांनी भेट घेण्यासाठी रुग्णालयाकडे धाव घेतली. मोतीसिंह मोहता यांची प्रकृती पूर्वीप्रमाणे निरोगी राहावी यासाठी विविध क्षेत्रातील मान्यवरांनी प्रार्थना केली आहे.