मोरणा नदीचा कायापालट करून दाखवू : जयंत मसने

 

अकोला : भाजप विरोधक महानगरपालिका निवडणुकीमध्ये पराजित झाल्याने, हताश, निराश व सत्तेपासून वंचित राहिल्याने सत्तारूढ शहर सुधार समिती च्या विरोधात नकारात्मक वातावरण निर्माण करण्याचा प्रयत्न करत आहेत. मात्र काहीही झाले तरी मोरणा नदीचा आम्ही कायापालट करून दाखवू अशी ग्वाही भाजप महानगराध्यक्ष जयंत मसने यांनी दिली. आपली नदी आपली जबाबदारी अभियानाच्या पाचव्या दिवशी त्यांनी वरील विचार व्यक्त केले. 

 

आमदार रणधीर सावरकर यांच्या मार्गदर्शनात स्थायी समिती सभापती विजय अग्रवाल,महापौर शारदाताई रणजीत खेडकर, पवन महल्ले, भाजप अकोला महानगराध्यक्ष जयंत मसने, सिद्धार्थ शर्मा, अर्चनाताई शर्मा, किशोर पाटील, करण शाहू, अमोल मोहकार, राजेंद्र गिरी, प्रकाश धोगलीया, हेमंत शर्मा तुषार भिरड वैशाली शेळके चंदा शर्मा चंदा ठाकूर, निशा कडी, विजय चौधरी, शितल जैन, गणेश अंधारे जाकीर हुसेन, डॉक्टर राजू देशपांडे डॉक्टर किशोर मालोकार डॉक्टर प्रशांत अग्रवाल, अमोल गीते दिलीप मिश्रा सागर शेगोकार अजय शर्मा, राजेश्वर धोटे, नितीन ताकवले मंजुषाताई शेळके, सह विविध क्षेत्रातील नऊ सामाजिक संघटना व मोठ्या संख्येने नागरिक सहभागी झाले होते. पंचमुखी हनुमान मंदिर ते अक्कलकोट मंदिर परिसरासमोरील मोरणा नदी साफसफाई अभियानामध्ये सक्रिय योगदान दिले. अकोला महानगरपालिकेतील अधिकारी तसेच भारतीय जनता पक्षाचे कार्यकर्ते व ब्राह्मण एकता मंच, युवा संघटन, बेरोजगार युवाशक्ती, श्री जानकी वल्लभो, मातृ शक्ती सत्संग मंडळ, राजेश्वर भक्त मंडळ, विठ्ठल रुक्माई युवाशक्ती मंडळ यांनी या कार्यक्रमांमध्ये कार सेवा करून आज पाचव्या दिवशी सुद्धा सफाई अभियान राबवून आपली नदी आपली जबाबदारी या अंतर्गत मोरणा नदी सफाई अभियानामध्ये आपला हातभार लावला.