मोटर सायकल चोरांची टोळी अकोला जिल्ह्यातून हद्दपार

अकोला : जिल्हयांतील मोटार सायकल चोरी करणा-या ०३ सराईत गुन्हेगारांच्या टोळीस मुंबई पोलीस अधिनियम कलम ५५ अंतर्गत हद्दपार

करण्यात आले आहे.

अकोला जिल्हयात मोटार सायकल चोरीस आळा बसावा यादृष्टीकोनातून पोलीस अधिक्षक अर्चित चांडक यांचे मार्गदर्शनामध्ये प्रतिबंधात्मक उपाययोजना म्हणून अकोला जिल्हयातील मोटार सायकल चोरी करणारी सराईत गुन्हेगारांची टोळी मधील (१) प्रतिक एकनाथ वसु वय २३ वर्ष रा. लोखंडे ले आउट, मोठी उमरी, अकोला (२) मेहुल सुरेश जाधव वय १९ वर्ष रा. मंगरुळपीर जि. वाशिम. (३) प्रथमेश संजय सरोदे वय २० वर्ष रा. शिरोडा ता. जि. अकोला यांना मुंबई पोलीस अधिनियम कलम ५५ अन्वये अकोला जिल्हयातुन एक वर्षाकरीता हद्दपार करण्यात आले आहे. 

पोलीस अधिक्षक अर्चित चांडक यांनी दिनांक २३ मे २०२५ रोजी पदभार स्विकारल्यापासून अकोला जिल्हयातील गुन्हेगारी पार्श्वभूमी असलेल्या २९ सराईत गुन्हेगारांना अकोला जिल्हयातून हद्दपार करण्यात आले आहे.

" अकोला जिल्हयात कायदा व सुव्यवस्था अबाधीत राहुन शांतता राहावी याकरीता अशा प्रकारचे गुन्हे करणारे व कारवाईस न जुमानणा-या सराईत गुन्हेगारांची माहिती संकलीत करुन त्यांचेवर येणा-या आगामी सण उत्सव काळात प्रभारी प्रतिबंधात्मक कारवाई म्हणुन एमपीडीए, हद्दपारी व इतर प्रचलित कायद्यान्वये कारवाई करण्यात येणार आहे " असा इशारा जिल्हा पोलीस अधिक्षक अर्चित चांडक यांनी दिला आहे.