हरीशभाई आलीमचंदानी यांची भारतीय जनता पक्षात घर वापसी

 

अकोला : भारतीय जनता पक्षाच्या संस्कारात जडणघडण झालेले जेष्ठ नेते, समाजसेवक हरीश भाई आलीम चंदानी यांना जास्त काळ पक्षाच्या बाहेरचे वातावरण भावले नाही. ते स्वगृही भारतीय जनता पार्टीत परतले आहेत. खासदार अनुप धोत्रे व आमदार रणधीर सावरकर यांनी आलीमचंदानी यांचे स्वागत केले आहे.

भारतीय जनता पक्षाच्या नेतृत्वावर विश्वास व्यक्त करून मा. नगराध्यक्ष हरीशभाई आलीमचंदानी, यांनी भारतीय जनता पक्षामध्ये पुन्हा काम करण्याचा निर्णय घेतला. त्यांचे भावपूर्ण स्वागत खासदार अनुप धोत्रे, आमदार रणधीर सावरकर, जयंत मसने यांनी केले. याप्रसंगी संतोष शिवरकर, वसत बाछुका, रंजीत खेडकर, बालटाले, रवींद्र भन्साली, गिरीश जोशी, अजय शर्मा, माधव मानकर, डॉक्टर अमित कावरे, सजय गोटफोडे, नितेश पाली यांच्यासह मोठ्या संख्येने कार्यकर्ते उपस्थित होते.

 यावेळी भारतीय जनता पक्षाला स्पष्ट बहुमत मिळवून देण्यासाठी एकत्र येऊन काम करू. पक्ष जो आदेश देईल त्या आदेशाचे पालन करेल अशा शब्दात हरीश आलीम चंदानी यांनी आपले मनोगत व्यक्त केले. पक्ष नेतृत्व, प्रदेश आणि स्थानिक नेतृत्वाचे त्यांनी त्यांनी आभार मानले आहेत.