खा. अनुप धोत्रे लोकसभेत गरजले

https://tumchyasathich.blogspot.com/2025/03/blog-post_1.html 

नागपूर-अकोला-मुंबई अमृत भारत ट्रेन सुरू करा 

अकोला : नागपूर मुंबई दरम्यान प्रवाशांची गर्दी सातत्याने वाढत आहे. त्यामुळे नागपूर अकोला मुंबई मार्गावरील रेल्वे यंत्रणेवर अतिरिक्त ताण येत आहे. प्रवाशांना अधिकाधिक सुविधा मिळाव्या व त्यांचा प्रवास सुखद व्हावा यासाठी

नागपूर-अकोला-मुंबई अमृत भारत ट्रेन सुरू करण्याची मागणी खासदार अनुप धोत्रे यांनी आज लोकसभेत लावून धरली. 

अकोल्यातील युवा खासदाराच्या अभ्यासपूर्ण वक्तृत्वाने संपूर्ण लोकसभेचे लक्ष वेधून घेतले. 

भारतीय रेल्वे प्रवास अधिक वेगवान, सुरक्षित आणि सर्वसामान्यांना परवडणारा असल्याने अमृत भारत योजना 2.0 अत्यंत महत्त्वाची ठरत आहे. आज लोकसभेत नागपूर-अकोला-मुंबई अमृत भारत ट्रेन सुरू करण्याची मागणी खासदार धोत्रे यांनी रेल्वे मंत्र्यांकडे केली.

गतिशक्ती टर्मिनल मंजूर

 अकोला रेल्वे स्थानकासाठी गतिशक्ती टर्मिनल मंजूर केल्याबद्दल त्यांनी रेल्वे मंत्र्यांचे आभार मानले. गतिशक्ती टर्मिनलमुळे आधुनिक व तत्पर रेल्वे सेवा उपलब्ध होऊन आर्थिक विकासालाही गती मिळेल. हा दूरदृष्टीचा निर्णय घेतल्यामुळे अकोल्याच्या आणि प्रामुख्याने विदर्भाच्या प्रगतीस हातभार लागणार आहे.