अकोला : श्री शिवाजी शिक्षण संस्था अमरावती संचलित अभियांत्रिकी व तांत्रिकी महाविद्यालय अकोला येथे राष्ट्रीय सेवा योजना आणि ग्रंथालय व्यवस्थापन यांच्या संयुक्त विद्यमाने मराठी भाषा गौरव दिन साजरा करण्यात आला.
कार्यक्रमाचे अध्यक्षस्थानी महाविद्यालयाचे प्राचार्य डॉ. पी. व्ही. थोरात होते. थोरात यांनी कुसुमाग्रज अर्थात विष्णू वामन शिरवाडकर यांच्या प्रतिमेचे पूजन केले. त्याचप्रमाणे सर्व प्राध्यापकांनीही प्रतिमेचे पूजन करून आदरांजली अर्पण केली. प्रामुख्याने राष्ट्रीय सेवा योजनेच्या कार्यक्रम अधिकारी डॉ. ज्योती शेगोकार, क्रीडा संचालक प्रा. नरेंद्र बुजरूक, डॉ. रश्मी टाले,ग्रंथालय प्रमुख श्री. सी. आर.देशमुख, डॉ. जी. एस.झांबरे, डॉ. एस. सी. मकवाना, आर्किटेक्ट सुधीर ढोमणे उपस्थित होते. याप्रसंगी मराठीतील ग्रंथ, कादंबऱ्या याचे प्रदर्शन भरविण्यात आले व सर्व विद्यार्थ्यांना मराठी भाषेतील पुस्तके वाचण्यासाठी आवाहन करण्यात आले.
प्राचार्यांनी बोलताना आपल्या जीवनातील मराठी भाषेतील महत्त्व व त्याचा वापर करण्याची गरज याबद्दल मार्गदर्शन केले. तसेच क्रीडा संचालकांनी संचलन करून मराठी भाषा बोलण्याबद्दल प्रतिज्ञा ही सादर केली.त्याचबरोबर निखिल जुनघरे या विद्यार्थ्याने मराठी भाषेतील गोडवा व तिचे महत्त्व विशद करताना मराठी भाषेला अभिजात भाषेचा दर्जा मिळाल्याचे सांगितले.
याप्रसंगी प्रा. ए. एस. गावंडे, डॉ. एस. पी. ढोमणे, सौ. वर्षा देशमुख, कु. वैशाली कातखेडे, सौ. वैराळे, श्री.शेळके इत्यादी कर्मचाऱ्यांची उपस्थिती होती. त्याचबरोबर विद्यार्थ्यांमध्ये रा. से. यो.चे स्वयंसेवक आयुष देशमुख, कु. भेंडे कु. इशिका गुजर, जानवी वाकोडे, वैष्णवी धनोकार, मानसी बढे इत्यादी विद्यार्थ्यांनी परिश्रम घेतले. त्याचबरोबर स्नेहल देशमुख, ऋषिकेश देविकार,आयुष श्रीवास आणि बरेच विद्यार्थी उपस्थित होते.
