आदिवासी, पारधी बांधवांच्या रंगोत्सवात आमदार सावरकर सहभागी

 

अकोला : भारतीय जनता पक्षाचे आमदार रणधीर सावरकर यांनी अकोला पूर्व विधानसभा मतदारसंघातील तांडा वस्ती, पारधी वाडा, देवरी फाटा येथे होळी व रंगपंचमीचा उत्सव साजरा केला.

राष्ट्रीय स्वयंसेवकसंघाच्या शताब्दी वर्षांमध्ये पीडित, वंचित समाज बांधवांसोबत आदिवासी समाजासोबत होळी साजरी करून त्यांनी नवा आदर्श प्रस्थापित केला. गेल्या दहा वर्षापासून सातत्याने ही परंपरा आमदार सावरकर अंगीकार करत आहे.  

शेतकऱ्यांच्या विकासासाठी कटिबध्द

यावेळी बोलताना शेतकऱ्यांच्या विकासासाठी भाजप सरकार कटिबद्ध असल्याचे आमदार रणधीर सावरकरांनी सांगितले. त्याचप्रमाणे तळागाळातील नागरिकांचा सर्वांगीण विकास होणे अत्यंत आवश्यक असल्याचे मत त्यांनी व्यक्त केले. वर्षभरातील रुसवे फुगवे विसरून सर्वांनी एकत्र यावे हाच रंग पंचमी साजरी करण्याचा उद्देश आहे असे ते म्हणाले.

मिठाईचे केले वाटप 

याप्रसंगी अमरसिंग भोसले, विजयसिंह सोळंके, विवेक भरणे, राजेश नागमते, मधुकर पाटकर, विनोद मंगले, किशोर सरोदे, विठ्ठल वाकोडे, प्रवीण डिक्कर उपस्थित होते. आमदार सावरकर यांनी मिठाई वाटून उपस्थितांचा आनंद द्विगुणित केला.