मुख्य सामग्रीवर वगळा

वैशिष्ट्यीकृत

अकोला शहराच्या पाणीटंचाई निवारणासाठी १३२.११ कोटींचा विशेष निधी

अकोला शहराच्या पाणीटंचाई निवारणासाठी राज्य सरकारने १३२.११ कोटींचा विशेष निधी मंजूर केला आहे. आमदार रणधीर सावरकर यांच्या पाठपुराव्यामुळे आणि मुख्यमंत्री देवेंद्र फडणवीस यांच्या निर्णयानुसार ६ नोव्हेंबर २०२६ रोजी या निधीला प्रशासकीय मान्यता मिळाली. निधीचे स्वरूप  मोर्णा धरण ते महान जलशुद्धीकरण केंद्रापर्यंत पाईपलाईन टाकण्यासाठी रु. ८७.६७ कोटी आणि टँकरद्वारे पाणीपुरवठा व वितरण व्यवस्थेसाठी रु. ४४.४४ कोटी मंजूर करण्यात आले आहेत.  पाणीटंचाईचे कारण  काटेपूर्णा प्रकल्पात पाणीसाठा अपुरा असल्याने जानेवारी २०२७ अखेरीस पाणी संपण्याची शक्यता होती आणि शहरात १० दिवसांआड पाणीपुरवठा होत होता. फायदा  या नवीन जलवाहिनीच्या कामामुळे आणि निधीमुळे अकोला शहरवासीयांची गंभीर पाणीटंचाईच्या संकटातून सुटका होणार आहे

शेतकऱ्यांचे उत्पन्न वाढविण्यासाठी प्रयत्न करणार : अनुप धोत्रे यांची बाजार समितीला भेट

 



अकोला : जिल्हा कृषी उत्पन्न बाजार समितीला खासदार अनुप धोत्रे यांनी भेट देऊन सभापती श्री. शिरीषभाऊ धोत्रे यांच्यासोबत केंद्र सरकारद्वारे राबविण्यात येणाऱ्या शेती उपयोगी प्रकल्पांबाबत सविस्तर चर्चा केली.

अकोला जिल्ह्यातील खारपाणपट्ट्यातील शेतकऱ्यांना विविध अडचणींचा सामना करावा लागतो. तसेच अल्पभूधारक शेतकरी सततच्या नापिकीला कंटाळले आहेत. आपण स्वतः शेतकऱ्यांच्या अडचणींचा अभ्यास करत असून याविषयी आवश्यक उपाययोजना करणे गरजेचे आहे असे ते म्हणाले. शेतीच्या सर्वांगीण विकासासाठी केंद्र व राज्य सरकार वचनबद्ध असल्याचे खासदार अनुप धोत्रे यांनी सांगितले.



यावेळी बोलताना कृषी उत्पन्न बाजार समितीचे सभापती श्री शिरीष भाऊ धोत्रे यांनी बाजार समितीच्या आजपर्यंतच्या कार्याचा लेखाजोखा मांडला. शेतकऱ्यांच्या अडचणी सोडविण्यासाठी बाजार समिती नेहमीच शेतकऱ्यांच्या पाठीशी उभे राहिले असल्याचे त्यांनी सांगितले.

या चर्चेत शेतकऱ्यांच्या उत्पादकतेत वाढ, शेतमाल बाजारपेठेपर्यंत सुलभ रीतीने पोहोचविणे आणि शेतीत तंत्रज्ञानाचा अधिक वापर यावर भर देण्यात आला.

या प्रसंगी राजेश बेले, वैभव माहोरे, अंकुश इंगळे, हर्षल गोंडचोर व निलेश फोकमारे उपस्थित होते.




टिप्पण्या