डाबकी रोड रुंदीकरणाचे काम योग्य रीतीने करा अन्यथा शिवसेना स्टाईलने... गेल्या 18 महिन्यापासून डाबकी रोड रुंदीकरणाचे काम कसे सुरू आहे हे आपल्या अधिकाऱ्यांनी कधी पहिले आहे का असा रोखठोक प्रश्न शिवसेना नेते डॉक्टर अशोक ओळंबे यांनी मनपा आयुक्त सुनील लहाने यांना विचारला आहे. कारण डाबकी रोड रुंदीकरणाचे काम 18 महिन्यांपासून अर्धवट असून ज्या ठिकाणी होत आहे त्याचे दोन्ही बाजूला रस्ता 3 मीटर, पाणी पुरवठा लाईन, नंतर इलेक्ट्रिक केबल आणि नाली असे काम होत आहे. त्यांनतर पाईप लाईन वर पेव्हर बसविण्याचे काम सुरु आहे. आणि त्याचे खाली सुध्दा काँकरीट टाकून वरून पेंव्हर टाकण्याचा अजब प्रकार सुरू आहे. रेन वॉटर हार्वेस्टिंग ची मूळ जबाबदारी मनपाची आहे. मात्र स्वतः योग्य रीतीने रेन वॉटर हार्वेस्टिंग न करता नागरीकांना ब्रह्मज्ञान सांगणे कितपत योग्य आहे. आपण पेव्हर खाली काँकरीट बसविण्याचे काम थांबविण्याचे आदेश संबंधित अधिकारी, ठेकेदार यांना त्वरित द्यावे. अन्यथा शिवसेना स्टाईलने पुढील पाऊल उचलू, असा रोखठोक इशारा डॉक्टर अशोक ओळंबे यांनी दिला आहे.
डेल्टा टीव्हीएस शोरूम येथील श्री गणेशाची एसपींच्या हस्ते महाआरती
अकोला : विविध मान्यवरांच्या भेटीमुळे डेल्टा टीव्हीएस शोरूम गणेशोत्सव मंडळ सध्या चर्चेत आहे. आज जिल्हा पोलीस अधीक्षक अर्चित चांडक येथील श्री गणेशाच्या दर्शनाला पोहोचले. त्यांनी यथासांग पूजन करून श्री गणेशाची महाआरती केली. यावेळी सिंधी कॅम्प पोलीस ठाण्याचे ठाणेदार श्री केदारे यांच्यासह इतर पोलीस अधिकारी कर्मचारी उपस्थित होते.
यावेळी गणेशोत्सव मंडळाचे मार्गदर्शक हरिशभाई आलिमचंदानी यांच्या हस्ते पोलीस अधीक्षक अर्चित चांडक यांचा शाल श्रीफळ देऊन सत्कार करण्यात आला. यावेळी कमल आलिमचंदानी, संदीप आलिमचंदानी यांच्यासह कुटुंबातील सदस्य व परिसरातील नागरिक उपस्थित होते.
टिप्पण्या
टिप्पणी पोस्ट करा