अकोला : भारतीय जनता पार्टीच्या माध्यमातून जनतेच्या समस्या निराकरणासाठी आपण कटिबद्ध राहू असे मनोगत डॉक्टर किशोर रामराव कुचके यांनी व्यक्त केले. बाळापुर तालुका अध्यक्षपदाची धुरा स्वीकारल्यानंतर ते बोलत होते.
अकोला जिल्हा ग्रामीण मंडळ निवडणूक सुरू आहे. बाळापुर ग्रामीण निवडणूक अधिकारी भाजपा उपाध्यक्ष डॉक्टर शंकरराव वाकोडे यांनी किशोर कुचके यांच्या नावाची घोषणा केली.
यावेळी जिल्हा भाजपा सरचिटणीस माधव मानकर, शंकरराव वाकोडे,गणेश राव तायडे, अमोल साबळे, राजू नागमते, आनंद हरणे, गजानन आवचार, योगेश पटोकार,शाम माळी, नरेश फिरंगी, प्रमोद धनोकार, अमोल राऊत, आदि पदाधिकारी उपस्थित होते .
कार्यकर्त्यांचा आशीर्वाद, ज्येष्ठांचा अनुभव लक्षात घेऊन आपण पक्ष विस्तारासाठी कार्यरत राहू. पक्षाने दिलेली जबाबदारी ही व्यवस्था असून शत प्रतिशत भाजपाचा विस्तार करू असा विश्वास किशोर कुचके यांनी व्यक्त केला. या तालुक्यातील अनेक ज्येष्ठ कार्यकर्त्यांनी पक्ष विस्तारासाठी काम केले आहे. त्यांचा आदर्श डोळ्यासमोर ठेवून प्रदेश सरचिटणीस आमदार रणधीर सावरकर, पालकमंत्री एडवोकेट आकाश फुंडकर, खासदार अनुप धोत्रे , आमदार हरीश पिंपळे आमदार प्रकाश भारसाकले, आमदार वसंत खंडेलवाल, विजय अग्रवाल, तेजराव थोरात, मनोहर राहणे रामदास लांडे यांच्या मार्गदर्शनात आपण कार्यरत राहू असे यावेळी त्यांनी सांगितले.
