डाबकी रोड रुंदीकरणाचे काम योग्य रीतीने करा अन्यथा शिवसेना स्टाईलने... गेल्या 18 महिन्यापासून डाबकी रोड रुंदीकरणाचे काम कसे सुरू आहे हे आपल्या अधिकाऱ्यांनी कधी पहिले आहे का असा रोखठोक प्रश्न शिवसेना नेते डॉक्टर अशोक ओळंबे यांनी मनपा आयुक्त सुनील लहाने यांना विचारला आहे. कारण डाबकी रोड रुंदीकरणाचे काम 18 महिन्यांपासून अर्धवट असून ज्या ठिकाणी होत आहे त्याचे दोन्ही बाजूला रस्ता 3 मीटर, पाणी पुरवठा लाईन, नंतर इलेक्ट्रिक केबल आणि नाली असे काम होत आहे. त्यांनतर पाईप लाईन वर पेव्हर बसविण्याचे काम सुरु आहे. आणि त्याचे खाली सुध्दा काँकरीट टाकून वरून पेंव्हर टाकण्याचा अजब प्रकार सुरू आहे. रेन वॉटर हार्वेस्टिंग ची मूळ जबाबदारी मनपाची आहे. मात्र स्वतः योग्य रीतीने रेन वॉटर हार्वेस्टिंग न करता नागरीकांना ब्रह्मज्ञान सांगणे कितपत योग्य आहे. आपण पेव्हर खाली काँकरीट बसविण्याचे काम थांबविण्याचे आदेश संबंधित अधिकारी, ठेकेदार यांना त्वरित द्यावे. अन्यथा शिवसेना स्टाईलने पुढील पाऊल उचलू, असा रोखठोक इशारा डॉक्टर अशोक ओळंबे यांनी दिला आहे.
प्रा.दिपाली चिरंगे यांना पीएच.डी. पदवी प्राप्त
अकोला, दि 15 : स्थानिक श्रीमती राधादेवी गोयनका महिला महाविद्यालयाची विद्यार्थिनी प्रा. कु. दिपाली बापूराव चिरंगे यांना संत गाडगेबाबा अमरावती विद्यापीठाने वाणिज्य शाखेची सर्वोच्च पदवी पीएच.डी. बहाल केली.
प्रा. दिपाली चिरंगे यांनी वाणिज्य विद्याशाखेअंतर्गत 'पश्चिम विदर्भातील आदिवासी महिलांच्या आर्थिक विकासात बचत गटाचे योगदान - एक विश्लेषणात्मक अध्ययन’ या विषयावर संशोधनात्मक प्रबंध श्रीमती आर डी जी महिला महाविद्यालयाचे उप-प्राचार्य डॅा.ए.बी. पांडे यांच्या मार्गदर्शनात सादर केला होता.
प्रा.दिपाली चिरंगे ह्या मूळच्या चिरंगवाडी ता. उमरखेड येथील रहिवासी असून त्या श्रीमती आर डी जी महाविद्यालयातुन बी.कॉम मध्ये संत गाडगेबाबा अमरावती विद्यापीठातून मेरिट आल्या होत्या तसेच प्राध्यापक पदाची राज्य पात्रता परीक्षा (सेट) व राष्ट्रीय पात्रता परीक्षा (नेट) ह्या दोन्ही परीक्षा त्यांनी उत्तीर्ण केल्या आहेत. त्यांचे राष्ट्रीय आणि आंतरराष्ट्रीय जर्नल्स मघ्ये शोधनिबंध प्रसिद्ध आहेत.
त्यांच्या या यशाबद्दल महाविद्यालयाच्या प्राचार्या डॅा रुमाले, प्रोफेसर डॅा एम आर इंगळे, डॅा गणेश खेकाळे, डॅा मनोहर वासनिक, प्रा प्रकाश गवई, प्रा राहुल माहुरे, प्रा ॲड आकाश हराळ यांनी त्यांचे अभिनंदन केले आहे.
टिप्पण्या
टिप्पणी पोस्ट करा