चिऊताईसाठी उभारले लाकडी अपार्टमेंट !

https://tumchyasathich.blogspot.com/2025/03/vande-bharat-train.html 

अकोला : पर्यावरणसंवर्धनासाठी समर्पित  सिंधी कॅम्प येथील स्थानिक रहिवासी शेख मोहम्मद शेख मकबूल यांनी चिऊताई साठी प्लायवूड पासून लाकडी अपार्टमेंट Apartment तयार केले आहे. या अपार्टमेंटमध्ये चिऊताई चे कुटुंब Family राहायला देखील आले. उन्हाळ्याच्या दिवसात दाणा पाण्यासाठी भटकंती करणाऱ्या चिऊताईला हक्काचा निवारा मिळाला आहे.

 त्यांनी पक्ष्यांसाठी अपार्टमेंटसारखे घरटे तयार केले आहे, जे पक्ष्यांच्या सुरक्षिततेसोबत त्यांच्या नैसर्गिक निवाऱ्याचे संरक्षण करतात. ही योजना शेख मोहम्मद यांच्या पर्यावरण संरक्षण व जैवविविधता वाढवण्याच्या दृष्टिकोनाचा एक भाग आहे. ही घरटी अशा प्रकारे डिझाइन करण्यात आली आहेत की ती पक्ष्यांसाठी आरामदायक आणि सुरक्षित ठरतील. शहरी भागातील वाढत्या बांधकामांमुळे आणि हरित क्षेत्रांच्या कमतरतेमुळे पक्ष्यांचे नैसर्गिक अधिवास बाधित होत होते. या समस्येचा विचार करून शेख मोहम्मद यांनी हा अभिनव उपक्रम हाती घेतला आहे.  

ही घरटी पर्यावरणपूरक साहित्य वापरून तयार करण्यात आली आहेत. यामुळे ती पक्ष्यांसाठी सुरक्षित व अनुकूल ठरतात. ही घरटी शहरातील विविध उद्यानांमध्ये आणि मोकळ्या जागांमध्ये लावण्यात येणार आहेत, ज्यामुळे पक्ष्यांना सहज निवाऱ्याची व्यवस्था मिळेल.

प्लायवूडच्या घरट्यांची वैशिष्ट्ये

 

प्लायवूड वापरून तयार केलेली ही घरटी टिकाऊ, पर्यावरणपूरक व मजबुत आहेत. प्लायवूड निवडण्याचा मुख्य हेतू त्याची टिकाऊ व पर्यावरणपूरकता होती. पक्ष्यांना योग्य आणि दीर्घकाळ टिकणारे निवासस्थान देण्यासाठी या घरट्यांचे डिझाइन करण्यात आले आहे. या घरट्यांमध्ये पक्ष्यांची चार कुटुंबे एकत्र राहू शकतात.

पक्ष्यांनी पटकन स्वीकारली घरटी

 

शेख मोहम्मद यांनी तयार केलेली ही घरटी पक्ष्यांनी पटकन स्वीकारली आहेत. नव्याने स्थापित केलेल्या घरट्यांकडे पक्षी अवघ्या बाराच मिनिटांत आकर्षित होताना दिसले. प्लायवूडची मजबुती व टिकाऊपणा यामुळे पक्ष्यांनी ही घरटी त्वरित आपलीशी केली आहेत.  

ही योजना केवळ पक्ष्यांसाठीच नव्हे, तर इतर जिल्ह्यांतील पर्यावरण संरक्षण व जैवविविधतेसाठी प्रेरणा ठरणारी आहे. शेख मोहम्मद यांचा हा प्रयत्न पर्यावरण रक्षणाच्या दिशेने एक महत्त्वपूर्ण पाऊल  ठरत आहे.